Þúsund mílna ferð hefst með einu skrefi.

Gleymdist!!!

2007-10-13T12:56:00.000+02:00

Skvísan er komin með sína eigin heimasíðu á babyverden.dk
Slóðin er http://www.babyverden.dk/barn/66760 og leyniorðið er nafnið á kisunni sem við áttum. Þeir sem ekki muna það verða bara að hafa samband við okkur... ;o)

Myndavélahallæri

2007-09-01T19:00:00.000+02:00

Jæja

frá því að erfinginn fæddist hefur fólk verið að hafa samband við mig og krafist þess að ég taki myndir í tíma og ótíma af henni og seti inn á netið jafn óðum en þetta tekur allt tíma og góða myndavél sem ég á EKKI.

Það sem ég er að reyna að segja er að mér langar í nýja myndavel svo ég geti tekið enn betri og fleiri myndir af skvísunni og er ég þá að tala um almennilega professional myndavél...
Öll framlög eru vel þegin.

Kv. Hilmar myndaóði

Prinsessan komin

2007-08-31T15:13:00.000+02:00

Jæja þá er frumburðurinn kominn það er stór og myndarleg stúlka sem vóg 4260 gr og var 53 cm á lengd. Fæðingin var nógu löng og erfið, hríðarnar byrjuðu á mánudagsmorgninum daginn sem ég átti að byrja í skólanum og mesta lagi 15 min millibili. Fyrst fórum við uppá spítala kl 8.00 um morguninn og vorum send heim með verkjatöflur um 8.30. Fyrsti skóladagurinn hjá mér var með hlaupum á milli skólans og heim. Svo um 15:30 fórum við aftur uppá spítala og þá var Ólöf lögð inn og hríðarnar jókust jafnt og þétt fram á kvöld. Rétt fyrir 23.00 var okkur tilkynnt að útvíkkunin væri orðin 9 en kl. 23.00 voru vaktaskipti hjá ljósunum þá vorum við svo heppin að fá ljósmóðurinna okkar sem Ólöf var búinn að vera hjá í skoðunum en hún var með slæmar fréttir, hún sagði við okkur að útvíkkuninn væri kominn niður í 5-6 en samt nær 6, þá var Ólöf alveg búin á því líkamlega og bað um eitthvað verkjastillandi og fékk þá mænurótardeyfingu sem sló strax á hríðarnar og var tengd við allskonar tæki og tól. Þegar ljósmóðirinn kom aftur inn um 01:00, var útvíkkuninn að nálgast 7 en púlsinn hjá prinsessunni var kominn upp fyrir eðlileg mörk og var þá kallað á barnalækni sem mælti með því að fara í "bráðakeisara" í staðinn fyrir að bíða í minnsta kosti 4-5 tíma og óvíst hvernig það færi með prinsessuna. Með því að ákveða að fara í keisarann svona snemma þá gat Ólöf verið vakandi í keisaranum og Hilmar verið viðstaddur á meðan. Kl. 02:43 aðfaranótt þriðjudagsins heyrðist í skurðlækninum: "Her kommer et stort hoved" og stuttu seinna heyrðist "Et stort barn" og þá var prinsessan loksins komin í heiminn, hraust og flott eftir sólahrings erfiði.

P.S. Það eru komnar myndir inn á myndasíðuna...

Kveðja
Hilmar

2007-01-24T10:42:00.000+01:00

1 önnin búinn......

jæja kominn í frí. Fyrsta önnin búin og aðeins sex eftir og núna er bara að finna sér eitthvað að gera hérna í þessu baunalandi, ÞAÐ ER EKKERT AÐ GERA...........

kv.hilli

Veðrið

2006-11-16T14:45:00.000+01:00

Það er ekki lengur kalt... kannski er danski veturinn bara búinn... þannig að ég kemst af án húfu enn um sinn.

Hvað verður um mýsnar???

2006-11-07T18:37:00.000+01:00

Hvað þarf til að kjöt rotni ( þá á ég við rotni í súpu)??? Við vorum að horfa á Mythbusters í gær og þeir voru að athuga hvort það væri hægt að drepa sig í bíl vinar/óvinar síns og eyðileggja hann... Spurningin var semsagt: Er hægt að ná lyktinni sem kemur við rotnun úr bílnum og selja hann... Það endaði með því að þeir voru búnir að rífa allt innan úr bílnum en hann lyktaði samt ennþá en þeir náðu samt að selja hann í varahluti.
Í framhaldi af þessu fór ég að hugsa, hvað þarf til að kjöt rotni... Ef maður setur kjöt á eldhúsborðið hjá sér og lætur það vera þar myndi það þorna, ekki satt??? En ef maður hefur það í poka??? Ég hélt áfram að hugsa... ég hef séð rotnandi rolluhöfuð og þau voru sko ekki í poka... og í áframhaldi af þessari hugsun varð mér hugsað um mýsnar. Hvað verður um mýsnar??? Ég hef séð þurr músalík (þær rotna greinilega ekki í súpu) en aldrei séð músabein... Hvað gerist, hverfa þurru músalíkin bara allt í einu, bara púff???
Þannig að spurningin er: Hvað verður um mýsnar???
Getur einhver svarað mér því???

Bbbrrrrr....

2006-11-03T10:44:00.000+01:00

Það er farið að kólna.... ég þarf að kaupa mér húfu...

AAAARRRRRGGGGG!!!!!!

2006-10-30T18:47:00.000+01:00

Ég þoli ekki tölvuidiota sem kunna ekkert á tölvur.....
Hilmar þurfti að láta skrá tölvuna inn á innranetið hjá skólanum í dag og fór með nýu tölvuna til tölvugauranna í skólanum. Það er skemmst frá því að segja að tölvan er í hassi eftir þessa AUMINGJA (ég þarf svo að öskra... það síður á mér) það eru allar myndir, tónlist, kvikmyndir og þættir og annað sem maður gæti mögulega hugsað sér að halda upp HORFIÐ.
HELV... DJÖF... DRULLUSOKKAR

Þið segið það!!!

2006-09-15T19:37:00.000+02:00

Hvað getur maður sagt??? Tónleikarnir voru geðveikir, veðrið var geðveikt, fjöldinn af fólki var geðveikur... og rétt áður en þeir stigu á sviðið þurfti ég geðveikt að pissa... og við þurftum að troðast í gegnum 85.000 manna þvögu :o) Það gekk svona lala... Hilmar fékk olnbogaskotin alveg í röðum þegar við vorum að troðast til baka en um leið og ég fór á undan þá hætti það...
Það borgar sig að vera lítil og sæt ;o)
Annars er einhver hitabylgja að fara hérna yfir þessa dagana og hitinn er yfir 20 gráður og sól, þannig að maður er eins léttklæddur og mögulegt er, allir gluggar opnir og allir geitungarnir hópast inn í kaffi til okkar, ekki það að þeir séu velkomnir...
Annað kvöld er svo nýbúaball hjá Íslendingafélaginu hérna út á skólabar, það verður strákapartý hérna hjá okkur og við stelpurnar förum í stelpupartý í hinum endanum...
Ég lofa að taka með mér myndavélina þannig að það verða kannski einhverjar nýjar myndir eftir helgina.

Rolling Stones

2006-09-01T16:03:00.000+02:00

Þá er það ákveðið... við erum á leiðinni á Stones.

Myndasíða

2006-08-30T11:55:00.000+02:00

Jæja, ef þið lítið nú til hægri á síðunni munið þið sjá að ég er búin að setja upp myndasíðu...
Hilmar er byrjaður í skólanum og er í einhverri ferð núna að smíða fleka... þau koma svo aftur í kvöld og grilla hérna út í skóla og fá sér væntanlega einn eða tvo bjóra.
Kennslan byrjar ekki fyrr en í næstu viku, held ég, það er bara verið að sýna þeim skólann og skólabarinn þessa vikuna...
Annars var ég ekkert smá stolt af okkur í fyrradag, við fórum að stækka minnið í tölvunni og opnuðum líka bankareikninga og við komumst í gegnum það allt á dönskunni... :o)

See ya
Ólöf

Madonna og Miðaldarfestival

2006-08-25T13:49:00.000+02:00

Það er eitthvað verið að þrýsta á að maður fara að segja eitthvað hérna... ;o)

Það er loksins komið "smá" líf í litla bæinn okkar, ég held að það séu um 100-150 þús. aðkomufólk hérna þessa helgi. Madonna var með tónleika í gærkvöldi og það var ekki þverfótandi fyrir fólki og bjórtjöldum í bænum, ég kem kannski með myndir af því seinna, og ruslið sem fylgdi þessu var annað eins. Dósasafnarar höfðu ekki undan og hafa ábyggilega haft gott upp úr gærdeginum... Annars var þetta ekkert smá show hjá gömlu, við löbbuðum upp að tónleikasvæðinu á leiðinni heim í gærkveldi, við gátum séð sviðið og skjáina og manni kitlaði nú smá. Við erum mikið að pæla í að skella okkur á Stones eftir 2 vikur... :o) Í dag tekur svo við miðaldarfestival sem stendur yfir alla helgina þannig að það er bara allt í einu nóg að gera...
Ég held að þessi hægagangur sé smitandi... ég nenni ekki að skrifa meira í bili.
Ég lofa samt að koma með myndir frá festivalinu eftir helgi og þá kannski af Madonnu líka...
Myndavélin gleymdist bara heima í gær þannig að ég þarf að fá þær myndir annars staðar.

Hej hej
Ólöf

Ótrúlegt!!!

2006-08-15T15:05:00.000+02:00

Ég er að bilast á þessum hægagangi... Það tekur næstum því heila viku að fá dótið okkar sent frá Aarhus, samt er það ekki nema kannski hálftíma akstur!!!
Og við vorum að hringja út af sjónvarpinu og við áttum fá í dag... Það kemur ekki fyrr en 25.... 25. er eftir næstum því tvær vikur!!! Sendingin tafðist, kommon hvaðan kemur þessi sending eiginlega???

Ein pirruð!!!

Fleiri myndir

2006-08-10T21:39:00.000+02:00

Útsýnið út um herbergisgluggann, Vitus Bering
Ég við stofugluggann að skoða auglýsingar
Þarf þetta einhverjar útskýringar...
Baðherbergið umtalaða

Myndir frá DK

2006-08-10T21:18:00.000+02:00

Hér eru nokkrar myndir af íbúðinni okkar... Þetta er nýja/notaða borðstofusettið okkar í stofunni...
Svalirnar okkar
Útsýnið út um stofuglugganum, út í garð.
"Rúmið" okkar/tilvonandi gestarúm... :o)

Að koma sér fyrir!!!

2006-08-10T20:37:00.000+02:00

Jæja, þá erum við loksins komin með nettengingu. Maður er gjörsamlega fatlaður þegar maður kemst ekki inná netið .
Annars er þetta nú búið að vera meira ævintýrið... Þegar við komum hingað á þri. var búið að loka skrifstofunni og við þurftum að fá lykilinn hjá einhverjum húsverði, svo fengum við smá sjokk þegar hann opnaði fyrir okkur inn í íbúðina. Hún var gjörsamlega TÓM fyrir utan einn ísskáp... Sem betur fer hittum við nokkra íslendinga sem gátu lánað okkur vinsæng til að sofa á og við gátum skroppið í Jysk til að kaupa okkur sæng (við vorum bara með einn svefnpoka því að hinn fór oní kassa til að passa græjurnar okkar ;o) ) Baðherbergið er líka svo lítið að ég hugsa að það sé glæpur að kalla þetta herbergi, við gætum setið á klósettinu þegar við förum í sturtu... En þetta horfir allt á betri veg, við fórum í svona Genbrug verslun (búð með notað dót) og erum komin með borð og stóla og keyptum okkur líka sófa en hann kemur ekki fyrr en á fim. í næstu viku...
Í stuttu máli sagt þá erum við búin að kaupa okkur:
Borð og stóla sem er komið
Sófa sem kemur á fim. í næstu viku
Sjónvarp sem kemur á þri. í næstu viku
Rúm sem kemur á mán. í næstu viku
og við búumst ekki við að fá dótið okkar fyrr en eftir helgi heldur

Þannig að eldamennskan er mjög einföld, hún má ekki krefjast neinnar notkunar á áhöldum fyrir utan pott, ofnplötu og plasthnífs... Það er semsagt pizza núna annan daginn í röð

Stefnan er svo tekin á IKEA um helgina og leita af kommóðu og sjónvarpsbekk... og kannski lampa því að það er ekki gert ráð fyrir neinum loftljósum í íbúðinni nema í andyrinu og svefnherberginu...

Ég held að þetta sé komið nóg í bili...
Við heyrumst bara seinna, kveðja Palli....

Jæks!!!!

2006-08-08T00:58:00.000+02:00

Við flytjum á morgun.... Á MORGUN... og varla það því vélin fer í loftið eftir 7 tíma... EN spáin er fín, það á að vera yfir 20 stiga hiti á morgun í Köben og sól :o) það er komin tími til að safna smá tani...
Hilmar heldur ekki vatni fyrir spenning og vill koma því á framfæri að bjórinn er ódýr og óskar ykkur öllum í rassgat... ;o) (Hann er kominn í glas...)
Ég var víst búin að lofa ykkur mynd af nýjasta afsprenginu og hér sjáið þið litla krúttið :o)
En það er víst best að fara að koma sér í svefn... ef það er hægt :o)

Hilsen
Ólöf og Hilmar

Eiríkur rauði

2006-06-19T01:15:00.000+02:00

Það var að bætast við nýr meðlimur í familíuna!!!
Við vorum að eignast folald í vikunni sem leið...
Stærð og þyngd er erfitt að segja til um því merin er ekkert á því að leyfa okkur að mæla það og vigta, nafnið hefur samt verið ákveðið og mun hann vera kallaður Eiríkur Rauði þar sem þetta er rautt hestfolald...

Fíflið ég gleymdi myndavélinni heima þannig að myndir verða birtar seinna.
Þar til næst...

Allt á rúst

2006-06-13T20:38:00.000+02:00

Það styttist alveg ískyggilega í Danmörk... Leigendurnir flytja inn 1. júlí og ég er á leinni til Norge í næstu viku , þannig að það er verið að pakka á fullu (ég nenni því bara ekki í augnablikinu og er búin með öll dagblöðin...) við munum ráðast inná systir hans Hilmars þar til við förum út, með allt okkar hafurtask og litlu fjölskylduna okkar. Þannig að kveðju-grillveislan sem ég hafði hugsað mér að halda dettur víst uppfyrir .
Anywho, það er best að fara og banka uppá hjá nágrönnunum og sníkja gömul dagblöð...

Bull og vitleysa

2006-05-15T23:52:00.000+02:00

Þetta er nú náttúrulega bara rugl, að það sé ekkert að gerast núna á næstunni.
Sumarið er að hefjast í öllu sínu veldi...

Við erum að vinna í því að koma þessu bloggi upp og ef það eru einhverjir sem vilja komast inn á listann hér við hliðiná geta þeir lagt inn formlega beiðni inná commentin ;o)

Spakmæli dagsins er: Í húsi maurs er döggin syndaflóð... (Persneskur)

Þangað til næst
Verið hress, ekkert stress, bless bless

1. Bloggið

2006-05-14T23:19:00.000+02:00

Jæja, það þarf víst að vígja þetta nýja blogg þó svo að enginn viti af því ennþá.
Það verður nú sennilega ekki mikið líf hér alveg strax því það er ekki mikið að gerast ennþá.
Flutningurinn til Danmerkur er ráðgerður þann 8. ágúst nk.